رواية ما زلت إنساناً

اليوم كملت قرائته وللعلم يعني انا شكد نحسة بسالفة الكتب كوه يعجبني شي، بس كتابج ابهرني كدما فكرته عظييمة بحيث خلال يوم ونص كملته جرة وحدة، من زمان ماغركت بكتاب حلو ومؤثر هيج، ياريت تكثريلنه الكتب الورقية وما تتأخرين بالكتب القادمة، لان الكتاب جد جد عظييم وكل الكلته قليل بحقه والله😭❤️

Z18_i

فعلا جانت قراءة ممتعة. أول مرة اقرة كتاب كامل بيوم واحد او بساعات بس. بعيدة كل البعد عن الملل، مشوقة لابعد درجة، ما كدرت افوت منهه كلمه ولا ضجت من السرد. فكرتههه رهييببةةة، نهايتهه مشبعة للقارئ. اللي ما قراهه فاتته ساعات بيهه ونسه مو طبيعية، صارت روايتي المفضلة.

Mawaddah

يعني جديات مدا اكدر اعوفها، شنو هاي آلاء صدوك يعجز لساني عن الكلام

sam__iq0

طبعا صراحه من خلصتها حسيت هاي الساعات جنت بعالم ثاني حرفيا، واحس وراها الا رجعت للواقع وانه وشنو ووين وشدسوي، بس حرفيا عاشت ايدججج الفكره كلششش حلوة وجديده مثل ما تعودنه عليج ولازم بيها اكشن، طريقة السرد حيل حلوة ما تخلي الواحد يمل ابد ولا يتركها

tabarek.alsahi 

الاء انطيني طريقه اكدر اخفف بيها من ادماني للرواية.. يعني حرفيا خمسة وعشرين ساعه اقرا بيها حتى ساعات نومي قلت هواي وشغلي هاملته بس اقرا بيها واقرا ع كيف حتى ما اخلصها بساع

kawtha97r

طبعاً هسه خلصت من قراية الكتاب! اكو قسم من الناس من يعجبهم شي يكولون براسه 60 حظ! انه لا والله هل الكتاب براسه 120 الف حظ خلي بقية الكتب تعزل احسله.. والله اعجز عن وصف الرواية! بحيث عشت أحداثه بمعنى الكلمة! لدرجة اسمع صوت الاسعاف اتخيل شكولهم اتخيل قوة لواء اتخيل التجارب عليهم اتخيل الالم اتخيل كلشي صار حته شكولهم تخيلته! يعني صدك دخلت بعالم ثانين وانقطعت عن العالم هذا!

04te_

رواية لا تعبث بعالمي

مستحيل فكرة القصة شكد حلوة ومبتكرة عاشت ايدج
ما كدرنا نحزر الوضع الي تمر بي وهذا احلى شي 😍😍😍

Rewayat_lol

عاشت ايدج يامبدعه وربي اعجز عن الكلام والتعبير عن تألقج وطريقة سردج للاحداث والغموض والتشويق انتي بحق تستحقين كلمة كاتبة بكل ماتحمل من معاني واتمنى لك التوفيق 😘😘

LugainAli

ماعرف شنو اكتب.. كل الكلمات ماتكدر توصف الي بداخلي عن هل رواية.. من صدك هل رواية بقمة الروعة ولو مهما احجي قليل بحقهه.. عاشت ايجح الاء فعلا انتي مبدعه لدرجة خليتيني افرح لفرحهم وازعل وانقهر على زعلهم🥺🥺

GhusoonALjubouri5

عاشتت ايدجج ومو جديد عليج الابداع بس هالمره تربعت بكلبي وحبيت طريقة السرد والحوار لان فصحه يعني تجننن بمعنى الكلمه منتظريجج برواية لخ 🥺💗💗

bn_21f

شنو هل الجمال ياربي 😭😭😭 ولكم اريييد من نووووح اريد 🤣🤣 حنون عاشت ايدج يروحي فعلا حسيتني دا اشوف فلم شيق وممتع ويلحس المخ إن شاء الله يجي اليوم اللي نشوف بي ابداعج عالشاشات ودور السينما ❤️❤️❤️❤️

HudaAlwael

الفكره تجنننن وغريبه ونووح شخصيته كلش حبيتها كيووووت🥲

TabarckALTaai

رواية في الخط الأمامي

  بالرغم من كوني لست عراقية إلا أنني شعرت بالإنتماء بفضل رواياتك. رواياتك مثالية من كل النواحي!! سواء أسلوبك المتميز في السرد و الوصف أو في سير الأحداث و الحبكة المتقونة و لا داعي لمدح كمية المشاعر التي تشحنينها بين السطور!!! إبداع من نوع خاص!!! ننتظر الرحلة القادمة لرواية جديدة منك❤️

Imene2003M

في الخط الأمامي... من اعظم ما قرأت

Arlecchinomf

في الخط الأمامي، حقيقي أعجز عن وصف عظمه هذي الرواية

Eeuulle

يمكن كلماتي قليلة شما اكول.. رائعة، عظيمة، مختلفة، ممطروقة، جميلة، كل كلمات الإبداع متكفي حتى اوصف هل رواية طبعاً هواي قارية قصص عن الجيش وكذا لأن هذا نوعي المفضل بس معشت الرواية مثل هاي محبيت الأبطال لهالدرجة يمكن اعيد القصة مرة وثنين وعشرة وما امل خليتينا نعيش وياهم بخوفهم على بعض بفرحهم وحزنهم بجمالهم كُلش عظيمة هل رواية صراحة تمنيتها كتاب واحتفظ بي بمكتبتي

Tulip.books7

الإبداع نفسه وأكثر دائماً رواياتج مميزه و دائماً اعيش وي كل شخصية بالرواية اشكرج لان تنطينه هل شي وخليتينه نعيش مشاعر زمرد والرقيب وخوف وحرص حيدر على زمرد.. خلصت الرواية بكم ساعه بس لان مكدرت أتركها ولا دقيقة

_af0o

 فكرة الرواية حلوة وخاصة انو بنت تقرر هيجي قرار مو مألوف وتبين شجاعتهه بجانب الشباب وانو حب الوطن والدفاع عنه هدف يجمع بين الشباب والبنات.. شخصية زمرد عبرت عن اللي يدور بداخلنه عن المشاعر اللي نعيشهه وقت يصير شي ببلدنه عن حبنه لأهلنه ورغبتنه بحمايتهم وميصيبهم مكروه

2_ayat_0

رواية أيقنتُ بك